Cwestiynau a Ofynnir yn
Aml
C. Rwy’n byw yn fy nhy fy hun ac yn edrych am
grant i’w wella. A allaf wneud cais i Ailgreu Balchder yn Aberteifi?
A. Y ffynhonell orau o gymorth grant ar gyfer eiddo preswyl yw’r
Cynllun Ardal Adnewyddu ar 01545 572185 neu 01239 612157. Mae ein cynllun
wedi ei anelu at anheddau busnes gydag ond ychydig o arian ar gael i gyllido
adeiladau preswyl.
C. Yr wyf yn byw y tu allan i’r ardal a ddangosir
ar y map, ond mae gennyf fusnes neu siop. A allaf gael grant?
A. Yr ydym yn ceisio ymestyn ffiniau ein cynllun, ond gallech fod yn gymwys
i dderbyn Grant Gwella’r Dref. Cysylltwch â’r Swyddog
Cadwraeth ar 01239 621347 am ragor o fanylion.
B. Yr oeddwn eisoes wedi dechrau ar y gwaith cyn i
mi wybod am y grant hwn. A fydd y gwaith hwnnw
yn gymwys i dderbyn grant?
A. Nac ydyw. Gallwn ond gyllido gwaith sydd wdi dechrau ar ôl i’r
grant gael ei gymeradwyo
C A yw’r cyfan o’r gwaith i’r adeilad
yn cael cymorth grant?
A. Nac ydyw. Mae canllawiau’r pecyn gwaith cynhwysfawr yn esbonio
cyfyngiadau’r grant. Bydd y Swyddog Cadwraeth yn gweithio drwy eich
cais ac yn penderfynu beth sydd yn ‘waith cymwys’ o dan y
cynllun.
C. A ydych yn cyllido’r gwaith mewnol?
A Ddim fel arfer. Cysylltwch â gweinyddwyr y cynllun er mwyn trafod
ymhellach.
C A ydych yn talu’r TAW ar unrhyw waith?
A. Nac ydym. Yr ydym yn cymryd yn ganiataol fod unrhyw fusnes neu siop
wedi ei gofrestru ar gyfer TAW. Mae’r Rheolau Ewropeaidd ar TAW
yn nodi os “gall” gael ei ad-dalu gan berchennog yr adeilad
yna mae’n ad-daladwy. Os nad ydych yn cael eich cofrestru ar gyfer
TAW yna ystyria’r UE fod hynny’n gamgymeriad ar eich rhan.
C A ydych yn caniatau unrhyw fath o ddefnyddiau i gael
eu defnyddio yn y gwaith adeiladu?
A. Nac ydym. Grant Treftadaeth ydy hwn, a gofynnwn am i ddefnyddiau traddodiadol
gael eu defnyddio lle bo hynny’n bosibl.
C A oes angen i mi ddefnyddio asiant (neu bensaer).
A. Oes. Mae arnom angen asiant gyda chymwysterau priodol i baratoi, cynllunio
a goruchwylio’r gwaith.
C A allwch argymell asiant neu adeiladwr a all gyflawni’r
math hwn o waith?
A. Na allwn. Nid oes hawl gennym i argymell unrhyw fusnes. Yr hyn a argymellwn
yw eich bod yn gofyn i unrhyw asiant posibl pa fath o waith tebyg a gyflawnwyd
ganddynt.
C A ydych yn talu am yr asiant?
A Byddwn yn cyllido ffioedd proffesiynol hyd at 12% o gyfanswm y gwaith
cymwys.
C A oes raid i mi dendro ar gyfer y gwaith ar fy adeilad?
A Oes. Bydd yn rhaid i chi ddarparu prawf i chi ofyn am 3 tendr yn seilieidg
ar y manylion a baratowyd gan eich asiant. Disgwylwn i chi ddewis yr un
sydd yn rhoi gwerth gorau, nid o angenrhaid y rhataf bob tro.
C. Yr wyf yn rhydd-ddeiliad. A allaf wneud cais am
grant?
A Mae rheoliadau’r Undeb Ewropeaidd yn datgan fod yn rhaid i rydd-ddeiliad
gael prydles o fwy na 50 mlynedd cyn cael ei ystyried fel perchennog.
Cysylltwch â gweinyddwyr y cynllun,os oes problem, gan ein bod ar
hyn o bryd yn edrych am eglurhad pellach i’r rheol hon.
C. Sut gallaf hawlio’r grant?
A. Gallwch hawlio drwy ddarparu anfonebau a dderbynebwyd. Nid oes ots
gennym a ydych yn hawlio bob mis neu bob chwarter. Ein hunig amod yw fod
perchennog yr adeilad wedi talu’r bil cyn hawlio oddi wrthom.
C. Beth sydd yn digwydd pe byddwn yn gwerthu fy adeilad
ar ôl derbyn grant?
A Efallai y bydd yn rhaid i chi ad-dalu y cyfan neu ran o’r grant
os byddwch yn gwerthu yr adeilad o fewn 5 mlynedd (neu mewn rhai achosion
10 mlynedd) ar ôl taliad olaf y grant. Yr ydym yn hysbysu’r
Gofrestrfa Tir o’r holl grantiau a dalwyd.
C Yr wyf eisoes wedi derbyn grant arian Ewropeaidd
neu Wladol. A wyf yn parhau yn gymwys ar gyfer y grant hwn?
A. Gallech fod. Mae’r rheolau ar gyfer cymorth Ewropeaidd neu Wladol
yn gymhleth. Dylech o dan y rhan fwyaf o amgylchiadau fedru derbyn grant
o 50%, ond unwaith eto siaradwch gyda gweinyddwyr y cynllun, neu darllenwch
ganllawiau’r pecyn cais.
|
