Menter Treftadaeth Treflun
Aberteifi

Beth sy’n gymwys?

Adeiladau busnes ac adwerthu yn rhan ddynodedig yr ardal gadwraeth. Bydd grant yn cyfrannu at y gost o adfer y tu allan, sicrhau bod modd defnyddio safle llawr gwag unwaith eto yn ogystal ag adfer manylder pensaernïol a threftadaeth yr adeilad. Mae grantiau ar gael er mwyn gwella cyfleusterau lleol a safleoedd bwlch yn yr ardal ddynodedig hefyd.

Pwy sy’n gallu gwneud cais?

Gall perchenogion eiddo neu brydleswyr y mae 25 blwyddyn yn weddill o'u prydles lease, wneud cais. Bydd y grant a delir yn amrywio ac mae’n gallu cynnwys ffioedd proffesiynol sy’n codi wrth baratoi cynllun derbyniol.

Pa waith sy’n gymwys?

Gall y gwaith y gellir rhoi cymorth grant ar ei gyfer gynnwys trwsio toeon, simneiau, gwaith ar gerrig, bricwaith, rendro, ailbwyntio, gwaith plwm, nwyddau dw^r glaw, ffenestr, silffoedd ffenestri, drysau, ffenestri linter, nodweddion addurniadol, ac ati.
Rhoddir pwyslais arbennig ar adfer nodweddion pensaernïol ‘coll', megis wyneb blaen siopau Fictoraidd traddodiadol, ffenestri codi pren, rheiliau haearn bwrw, adfer pennau simneiau a waredwyd neu a gapiwyd yn flaenorol a nodweddion tebyg.

Sut i wneud cais

1. Dylech gysylltu â’r cyfeiriad isod i wneud ymholiadau cychwynnol.
2. Dylech benodi Asiant i baratoi manyleb y gwaith i’w wneud.
3. Dylech drefnu ymweliad safle gyda’r holl bobl dan sylw.
4. Dylech gyflwyno manylebion i’w cytuno.
5. Ar ôl cael caniatâd, rhoddir y fanyleb allan i dendr.
6. Dewisir y tendr priodol gyda chymeradwyaeth pawb dan sylw.
7. Penderfynir ar y raddfa grantiau ac mae’r gwaith yn cychwyn.

Sylwer: Ni fydd gwaith sydd wedi cychwyn cyn y cytundeb a’r penderfyniad ynghylch cyfradd y grant, yn cael ei gynnwys.

Nodir amodau pellach yn y Pecyn Ymgeisio.