Menter Treftadaeth Treflun
Tregaron
Menter Treftadaeth Treflun |
|
| Y nod Menter Treftadaeth Treflun Tregaron |
|
Cynllun Treftadaeth Tregaron - Y Cynlluniau Sydd Wedi Eu Hariannu - Dyfodol Y Cynllun Cynllun Treftadaeth TregaronSIOP FLODAU LAs, 2 FFORDD YR ORSAF
Ym mhen deheuol y sgwâr, a adwaenir fel y Sgwâr Bach. Cafodd gwaith atgyweirio ei wneud yn ystod Hydref 2005. Roedd y gwaith yn cynnwys gosod llechi newydd ar y to, gan ddefnyddio llechi ail law fel bai angen. Cafodd y simnai ei ail-bwyntio gan ddefnyddio cymysgedd o dywod a chalch. Defnyddiwyd rendr calch ar olygon blaen yr adeilad hefyd. Newidiwyd ffenestri’r golygon blaen. Gosodwyd ffenest siop newydd gan osod ffenest yr ystyrid ei bod yn fwy addas i ffrynt siop Fictoraidd yn Nhregaron, gydag amgylchyniad pren. Gosodwyd drws pren newydd, a’i ben uchaf wedi ei wneud o wydr. Y perchennog a ddewisodd y lliwiau ac mae’r paent o fath sy’n caniatáu anadlu. Ystyriwyd ei bod yn flaenoriaeth tynnu cyfarpar y gwasanaethau cyhoeddus oddi ar y waliau ac mae hynny wedi ei wneud yn unol â chynllun gwella Gwasanaethau’r Stryd, gweler isod. Mae’r arwydd sy’n ymestyn allan uwchben y drws wedi ei ddylunio’n arbennig ac mae’r siop yn cael ei hysbysebu’n ddwyieithog. Dyddiad yr adeilad: Canol y bedwaredd ganrif ar ddeg HAFDRE, THE SQUARE
Saif Hafdre ym mhen deheuol prif sgwâr y dref a Gwesty’r Talbot ar y naill ochr iddo a Swyddfeydd y Cyngor ar yr ochr arall. Bu problemau tamprwydd ar lawr gwaelod yr adeilad a bu pydredd sych yno hefyd yn ystod y blynyddoedd diwethaf a hynny oherwydd bod y cwteri a’r landerau gwaredu dŵr glaw wedi eu hesgeuluso. Er mwyn cael gwared ar y tamprwydd o’r waliau penderfynwyd y dylid tynnu’r rendr sment i ffwrdd a gosod rendr calch yn ei le. Roedd yn fwriad adfer y ffenestri gan geisio cadw cymaint ag y byddai modd o’r pren gwreiddiol. Ar ôl archwilio’n fanwl darganfuwyd bod y bocs a oedd yn amgylchynu’r ffrâm mewn cyflwr difrifol ac na fyddai modd ei atgyweirio ac felly gosodwyd un newydd yn ei le. Cafodd yr adeilad ei ail-doi ac adferwyd y simneiau gan ddefnyddio briciau ail law lleol. Cafodd y waliau eu haddurno gan ddefnyddio golchydd lliw calch. Cafwyd grantiau at y cynllun hwn gan Gyngor Sir Ceredigion a Cadw Dyddiad yr adeilad : Canol y bedwaredd ganrif ar bymtheg BRENIG HOUSE, CHAPEL STREET
Mae Tŷ Brennig yn dy dau lawr yng nghanol teras ym mhen de ddwyreiniol Stryd y Capel. Mae Afon Brennig yn llifo heibio ar ei hynt y tu cefn i’r adeilad. Mae’r Ty’n dyddio o ddechrau’r bedwaredd ganrif ar bymtheg, ac yn wreiddiol byddai ganddo waliau cerrig wedi eu rendro, to llechi a chyrn simneiau o frics neu gerrig. Adferwyd y simneiau, y ffenestri a’r drysau. Er nad oedd grant i’w gael at y gwaith, aethpwyd ati i adfer a moderneiddio’r estyniad haearn rhychog y tu cefn i’r adeilad gan gadw ei gymeriad traddodiadol. Tynnwyd y rendr sment gwreiddiol o’r golygon blaen ac fe roddwyd rendr newydd arnynt o forter calch. NEUADD ABERCOED, THE SQUARE
Mae’r adeilad hwn wedi cael ei ddefnyddio fel swyddfa / oriel gelf ers rhai blynyddoedd. Saif ym mhen gogleddol y prif sgwâr y dref, y drws nesaf i’r Neuadd Goffa. Mae’n fwriad defnyddio’r adeilad gwreiddiol ar gyfer swyddfeydd. The Scheme is financed by the following :-
|
 |
 |
 |
 |
 |
